नेपालगञ्ज चैत २८ गते ।
बाँकेको जमुनाह नाकाबाट लागु आषैधसहित एक जना पक्राउ परेका छन् । भारतको रुपैडिहा बाट नेपाल तर्फ आउदै गरेका चदारालाई जमुनाह नाकामा चेकजाँच गर्ने क्रममा प्रतिवन्धीत लागुऔषध सहित प्रहरीले पक्राउ गरेको हो । पक्राउ पर्नेमा बांकेको खजुरा गाउँपालिका वडा नम्बर ६ सिमलघारी बस्ने २० वर्षिय मनोज चदारा रहेका छन् ।
हरी बहादुर चदाराको छोरा मनोज चदाराले चढेको एनएस भे.१०.प ७२३३ नम्बरको मोटरसाइकलमा हेलमेटको भित्र लुकाई ल्याएको ७ ग्राम लागु औषध ब्राउन सुगर जस्तो देखिने खैरो धुलो पदार्थ मोटरसाइकलमा र दुई थान मोबाईल सहित नियन्त्रणमा लिएको प्रहरीले जनाएको छ ।
जमुनहा नाकाबाट लागु औषध दुव्र्यसनीहरुको चलखेल बढन थालेपछि गोप्य सूचनाको आधारमा ईलाका प्रहरी कार्यालय जमुनाह र लागू औषध नियन्त्रण ब्युरो नेपालगंजबाट खटिएको संयुक्त प्रहरी टोलीले पक्राउ गरेको हो । पक्राउ परेका चदारामाथि थप अनुसन्धान भइरहेको बाँके प्रहरी प्रवक्ता डिएसपी नारायण डाँगीले बताए ।
