बाँके चैत १३ गते ।
नेपालगञ्ज उपमहानगरपालिका वडा नम्वर १७ परसपुर द्वारा आयोजित तेस्रो वडा स्तरीय क्रिकेट प्रतियोगिता सम्पन्न भएको छ । तेस्रो वडास्तरिय क्रिकेट प्रतियोगिताको उपाधी परसपुर बैरियरले हात पारेको छ । तेस्रो वडा स्तरीय क्रिकेट प्रतियोगितामा ४ वटा टोलका खेलाडीहरुको सहभागिता रहेको थियो।
वडा नम्वर १७ अन्तर्गतका परसपुर ढोडेगाउँ नदईगाउँ थुकैला टोलका खेलाडीहरुको सहभागिता रहेको आयोजकले जनाएको छ । खेल नेपालगंज उपमहानगरपालिका वडा नम्वर १७ मा रहेको नदईगाउँ खेल मैदानमा सन्चालन भएको थियो।
परसपुर बैरियरले दिएको १ सय ५० रनको योगफल पछ्याउने क्रममा नन्दईगाउँ सुपर जेन्ट्सले आफनो ७ ओभरमा ७ बिकेट गुमाएर ९५ रन बनाएर आल आउट भएका थिए ।
सो प्रतियोगितामा म्यान अफ दि सिरिज समीरलाई घोषित भएका थिए। प्रतियोगिताको बिजेता टिमलाई शिल्ड, कप, मेडल,र नगद १५ हजार र उपबिजेतालाई १० हजार नगद पुरस्कार प्रदान गरिएको तेस्रो वडा स्तरीय क्रिकेट प्रतियोगिताका संयोजक रियाज अहमद अंसारीले जानकारी दिए।
कार्यक्रमका प्रमुख अतिथि वडा अध्यक्ष लक्ष्मण वर्माले खेल स्वास्थ्य र राष्ट्रका लागि एकदमै जरुरी रहेको बताएका थिए । खेल भनेको मानिसका लागि जीवन जिउने कला हो । कार्यक्रमका अतिथि वडा सदस्य फिरोज बेहनाले भने आफु वडा सदस्य भएकोले युवा खेलाडीहरुको प्रतिभा उजागरको लागि सहयोग गर्ने उनको भनाई रहेको थियो ।
सो अवसरमा वडा अध्यक्ष लक्ष्मण वर्मा वडा सदस्य फिरोज बेहना साईगाउँ प्रहरी चौकी इन्चार्ज अमर रावत खेल प्रेमी समाज सेबी युवा विद्यार्थी नेता सुशील वर्मा लगायत स्थानीय जनप्रतिनिधिको सहभागिता रहेको थियो।
