नेपालगञ्ज चैत ११ गते ।
बाँकेको जमुनाहबाट लागूऔषध ब्राउनसुगर सहित दुई जनालाई प्रहरीले पक्राउ गरेको छ । नेपालगञ्ज उपमहानगरपालिका-१५ बाट अवैध लागूऔषध ब्राउनसुगर जस्तो देखिने पदार्थ २ ग्राम सहित दुई जनालाई प्रहरीले पक्राउ गरेको जिल्ला प्रहरी कार्यालय बाँकेले जनाएको छ ।
पक्राउ पर्नेहरूमा बर्दिया बासँगढी नगरपालिका-३ बस्ने १९ वर्षीय खुम बहादुर शाही र बाँके जानकी गाउँपालिका-६ बस्ने ४० वर्षीय कैलाश भाट रहेका छन् । प्रक्रउ परेका दुबैलाई थप अनुसन्धानका लागि कानुनी प्रक्रिया अघि बढाईएको बाँके प्रहरीले जनाएको छ ।
लागु औषध ब्राउनसुगरको कारोबार भैरहेको भन्ने सुचनाका आधारमा लागूऔषध नियन्त्रण ब्यूरो नेपालगञ्ज र इलाका प्रहरी कार्यालय जमुनाहबाट खटिएको प्रहरी टोलीले शनिबार सांझ ४ बजे उनीहरूलाई उक्त पदार्थसहित पक्राउ गरेको हो ।
