बाँके माघ २८ गते ।
लिमरा खबर डट कमका सम्पादक सञ्चारकर्मी अब्दुल करीम इद्रिसी (सकील) लाई पितृ शोक परेको छ। नेपाल पत्रकार महासंघ बाँकेका साधारण सदस्य नेपाल प्रेस युनियनका साधारण सदस्य समेत रहेका इद्रिसीका पिता अब्दुल रहीस दर्जीको ७५ वर्षको उमेरमा निधन भएको हो ।
सञ्चारकर्मी इद्रिसीका अनुसार दर्जी विगत एक बर्ष देखि बोन मेरो जोइंट क्यान्सर रोगबाट पीडित थिए। बोन मेरो जोइंट क्यान्सर सम्बन्धि समस्याका कारण उनको निधन भएको बताइएको छ ।उनको लखनउमा रहेको अपोलो हॉस्पिटलबाट उपचार भइरहेको थियो।
दर्जीकी श्रीमती संतोला दर्जी सहित एक छोरा र ४ जना छोरी रहेका छन् । जानकी गाउँपालिका वडा नं. ५ गुरुवागाउँका इद्रिसी निवासी हुन् । ‘यस दु:खद् घडीमा बुबाको आत्माको चीरशान्तिको कामना गदै हार्दिक श्रद्धाञ्जली अर्पण गर्दछ साथै लिमरा खबर डटकम परिवार द्वारा सम्पादक सञ्चारकर्मी अब्दुल करीम इद्रिसी (सकील) सहित सम्पूर्ण परिवारजनमा हार्दिक समवेदना प्रकट गर्दछ ।’
