बाँके मंसिर, १० गते ।
नेपालगञ्जको धम्बोझीमा ट्यांकरको ठक्करबाट जेब्रा क्रसिङ्गमा एक युवतीको ज्यान गएको छ । नेपालगञ्ज उपमहानगरपालिका वडा नं. १ धम्बोझी चोकमा आज साँझ तेलको ट्यांकरले ठक्कर दिदाँ नेपालगञ्ज नम्बर १७ थुकैला निवासी दिलीप पाठकको १७ वर्षिय छोरी सालनी पाठकको घटनास्थलमै मृत्यु भएको प्रहरीले जनाएको छ ।
ना.३ ख. ८८५२ नम्बर ट्यांकरले ठक्कर दिंदा दिलीप पाठक घम्भीर घाईते भएका हुन र उनको छोरी सालनी पाठकको मृत्यु भएको जिल्ला प्रहरी कार्यालय बाँकेका प्रवक्ता प्रहरी नायब उपरीक्षक नारायण डाँगीले बताए ।
बुवाले चलाएको मोटरसाइकलमा पछाडि बसेकी पाठकको घटनास्थलमै मृत्यु भएको थियो । मोटरसाइकल चालक भने घाइते भएको उनको उपचार नेपालगंज मेडिकल कालेज मा भैरहेको र घटनाबारे थप जानकारी आउन बाँकी रहेको प्रहरीले जनाएको छ ।
