नेपालगंज असार २९ गते ।
नेपाल पत्रकार महासंघ बाँकेका पूर्व अध्यक्ष रुद्रसुवेदीलाई पितृ शोक परेको छ । सदरलाईन डटकमका संचालक तथा प्रधान सम्पादक समेत रहेका सुवेदीका बुवा डम्बरराज सुवेदीको ८० वर्षको उमेरमा असमायिक निधन भएको हो ।
पारिवारिक स्रोतका अनुसार बिगत ६ दिनदेखि उनको नेपालगन्ज मेडिकल कलेज शिक्षण अस्पतालमा उपचार भइरहेको थियो । उपचारको क्रममा शुक्रवार दिउँसो तिर असमायिक निधन भएको हो । उनी लामो समयदेखि मधुमेह र उच्च रक्तचापको समस्या झेल्दै आएका थिए ।
शिक्षक सेवाबाट सेवा निबृत्त सुवेदी लामोदेखि एमालेको राजनीतिमा सक्रिय थिए । सुवेदीको अन्त्यष्टि भोली (शनिवार) विहान अगैयाघाटमा गरिने परिवारजनले जनाएका छन ।
यसैबीच नेपाल पत्रकार महासंघ बाँके शाखाले रुद्र सुवेदीका पिता डम्बरराज सुवेदीको निधनप्रति दुःख व्यक्त गरेको छ । महासंघ बाँके शाखाले एक बिज्ञप्ति जारी गर्दै सुवेदीका बुबा स्वर्गीय डम्बरराजप्रति हार्दिक श्रद्धाञ्जली अर्पण गर्दै उनको आत्माको चिरशान्तिको कामना गरेको छ । मृत आत्माले स्वर्गमा वास पाओस भनि लिमरा मीडिया हाउस प्रा.लि. द्धारा सञ्चालित लिमरा खबर डट कम परिवार ईश्वरसंग प्रार्थना गर्दछ ।
