मंसूर अलि इद्रिशि
नेपालगंज,माघ,१८,गते-बाँकेको जानकी गाउँ पालिका वडा नम्बर १ स्थित साईगाउँ प्रहरी चौकीले लागुऔषधसहित दुई जनालाई पक्राउ गरेको छ। साईगाउँ प्रहरी चौकीका प्रहरी नायव निरीक्षक सुजन कुमार खडका को कमान्ड मा खटिएको प्रहरी टोलि र बिओपि बनदरगाह जयसपुरको संयुक्त टोलिले विशेष सूचनाको आधारमा जानकी गा.पा. १ पचपोखरा मा शंका लागि खानतलासी गर्दा दुई जनालाई मंगलबार राती, अंदाजी ९.३० को समयमा प्रहरी टोलिले पक्राउ गरेको छ। लागुऔषध सहित दुई जनालाई पक्राउ गरेको लिमरा खबरलाई खडकाले जनाएको छ ।
पक्राउ पर्नेहरुमा जानकी गा.पा.३ बन्जारेगाउँ बस्ने राम दास कुर्मी का छोरा २३ वर्षीय सुनिल बर्मा र भे.३.प. १०४९ नम्बरको मोटरसाइकलको चालक जानकी गा.पा. ३ बस्ने बद्रि चमारका छोरा बर्ष २८ को रामलाल चमार दुबैलाई चेकजाच गर्दा सुनिल बर्माको साथ वाट ३०० मिलिग्राम व्राउन सुगर जस्तो पदार्थ सहित दुवैलाई नियन्त्रण मा लिई आवश्यक कारबाही का लागि जिल्ला प्रहरी कार्यलय वाके मा पठाईएको । साईगाउँ प्रहरी चौकीका प्रहरी नायव निरीक्षक सुजन खडकाले बताउनुभयो । यस सम्बन्धमा प्रहरीले आवश्यक अनुसन्धान गरिरहेको छ ।
