बांके,माघ,८ गते।
नेपालगञ्जमा हुन लागेका महोत्सवमा भोजपुरी इंडस्ट्री के सुपर स्टार हिरो खेसारी लाल यादव डान्सर प्रिती पासवानसहितका राष्ट्रिय तथा अन्तर्राष्ट्रिय कलाकार आउने भएका छन । पन्द्रा दिन सम्म संचालन रह्ने महोत्सवमा राष्ट्रिय तथा अन्तरराष्ट्रिय कलाकारहरुको बेजोड प्रस्तुति हुनेछ ।
नेपालगञ्जमा हुन गईरहेको महोत्सव माघ १० गते देखि ‘चौथो प्रादेशिक औद्यौगीक, लघु घरेलु तथा कृषि, प्रविधि व्यापार एवं पर्यटन महोत्सव २०७९’मा राष्ट्रिय तथा अन्तर्राष्ट्रिय स्थानिय कलाकारहरुको बेजोड प्रस्तुती रहने छ ।जसमा पचास भन्दा बढि कलाकारहरुको सहभागिता रहने प्रचारप्रसार समितिका संयोजक भागवत कंडेलले जानकारी गराउनु भयो ।
महोत्सवको होस्ट विजय पुन, दिप मगर तथा प्रेरणा गिरीले गर्ने प्रचारप्रसार समितिले जनाएको छ । चौथो प्रादेशिक औद्यौगीक, लघु घरेलु तथा कृषि, प्रविधि व्यापार एवं पर्यटन महोत्सव २०७९’ भित्र थारु गाउँ पनि संचालन हुने भएको छ ।
थारु समुदायको विभिन्न परिकार जस्तै ढिक्री, घोघी, मुसाको चटनी, अचार, सिध्रा, सुङगुरको मासु, जाँडको झोल लगायतका परिकार पाइने सोनारी राप्ती मिडिया प्रा.लि. का संचालक हेमन्त चौधरीले जानकारी गराउनु भयो।
