भक्तपुरको सल्लाघारीमा रुख ढलेर बस र स्कुटरलाई लाग्दा ३ जनाको घटनास्थलमै मृत्यु भएको छ । आज दिउँसो १२ बजेतिर ढलेको उक्त सल्लाकाे रुखले लाग्दा अन्य १२ जना घाइते भएका छन् ।
सल्लाघारी चोङा गणेशमा रहेको वनको रुख सडकमा ढल्दा ठिमी बाट भक्तपुर दुधपाटि तर्फ आउदै गरेको बा २ ख ३५८४ नं को बस र भक्तपुर दुधपाटी बाट सल्लाघारी तर्फ जादै गरेको बा ६१ प ३९७८ नं स्कुटरलाई थिचेको थियो । सो घटनामा स्कुटरमा सवार १ र बसमा सवार २ जनाको घट्नास्थलमै मृत्यू भएको प्रहरीले जानकारी दिएको छ ।
मृतकमध्ये एकजना नितेश खर्वुजाको मात्रै सनाखत भएको भक्तपुर प्रहरीले जनाएको छ ।
अरू घाईतेको इवामुरा अस्पताल, भक्तपुर अन्तरास्ट्रिय अस्पताल, र मध्यपुर अस्पतालमा उपचार भैरहेको प्रहरीले जानकारी दिएको छ । यस बारेमा थप जानकारी आउन बाकीँ छ ।
