सिन्धुपाल्चोकको चौतारामा नेपाली कांग्रेस सिन्धुपाल्चोकको आयोजनामा कांग्रेसबाट निर्वाचित सम्पूर्ण जनप्रतिनिधि हरुलाई बधाई तथा सम्मान गरेको छ ।
चौतारा कभर्डहलमा आज आयोजना गरिएको उक्त कार्यक्रममा पुर्व सुचना तथा संचार मन्त्री एबम् नेपाली कांग्रेस केन्द्रिय सदस्य मोहन बहादुर बस्नेतले जिल्ला भरकै स्थानिय तहहरु वडा, पालिका लगायत कार्यपालिका र जिल्ला समन्वय समितिका निर्वाचित पदाधिकारीलाई सम्मान पत्रका साथ बधाई दिएका थिए ।
नेपाली कांग्रेस जिल्ला सभापति जंग बहादुर तमाङको सभापतित्वमा आयोजना गरिएको उक्त कार्यक्रममा बिशेष अतिथि पुर्व गृह राज्यमन्त्री बिष्णु बिक्रम थापा, बागमती प्रदेश सह-महामन्त्री हरिशरण श्रेष्ठ लगायत महाधिवेशन प्रतिनिधिहरु उपस्थित भएका थिए ।
बधाई तथा सम्मान गर्ने उद्देश्यले आयोजना गरिएको उक्त कार्यक्रममा उपस्थित नेताहरुले आउँदै गरेको संघ र प्रदेश चुनाबमा जनप्रतिनिधिहरुको भुमिका बारे बताएका थिए भने निर्वाचित जनप्रतिनिधिहरु जनताको सेवामा दिनरात खटेर लाग्न पनि प्रमुख अतिथि बस्नेतले निर्देशन दिएका थिए ।
