काठमाडौ महानगरपालिकाको सडक फुटपाथ प्रयोग गरी मकै बेच्दा महानगर प्रहरीले गत असार १७ गते सिन्धुपाल्चोक मेलम्ची–१० का चन्द्रनाथ आचार्य दम्पतीको ठेलागाडा र मकै समेत खोसिएपछी विचल्ली बनेका आचार्य दम्पतीलाई नेपाली काँग्रेसका केन्द्रीय सदस्य मोहनबहादुर बस्नेतले आज आफ्नै निवासमा बोलाई रु. ५१ हजार सहयोग गरेका छन् ।
आचार्य दम्पतीको ठेला र सामान समेत जफत भएपछी खान लाउन र कोठा भाडा तिर्न समेत गाह्रो हुने भन्दै बिलौना गरेको सुनेपछी पुर्व सूचना तथा संचार मन्त्री समेत भईसकेका बस्नेतले निज दम्पतीलाई आफ्नो निजि निवासमा नै बोलाएर सवारी आवागमनमा बाधा नपर्ने र मानिस हिड्नलाई समेत बाधा नपर्ने स्थानमा व्यापार गर्न सल्लाह दिदै उक्त रकम हस्तान्तरण गरेका हुन् ।
साथै आगामी दिनहरुमा पनि कुनै समस्या परे आफुलाई सम्झन समेत आग्रह गरेका छन् ।
