काठमाडौं भाद्र १६ गते।
सशस्त्र प्रहरी बलमा १६ जना अधिकृत, जसमा दुई जना प्रहरी नायब महानिरीक्षक (डीआईजी) पनि अनिवार्य अवकाशमा गएका छन्। अवकाशमा जाने अधिकारीहरूमा डीआईजी अभि कुमार खत्री र दुर्गा प्रसाद भट्टराई, साथै प्रहरी वरिष्ठ उपरीक्षक (एसएसपी) विश्वकुमार भट्टराई रहेका छन्। खत्रीले बिन्ध्यावासिनी बाहिनी मुख्यालय, रुपन्देहीमा नेतृत्व गरेका थिए, जबकि भट्टराईले महेश्वरी बाहिनी मुख्यालय, सुर्खेतको नेतृत्व गरेका थिए।
सशस्त्र प्रहरी बलका सहप्रवक्ता शैलेन्द्र थापाका अनुसार, यी अधिकृतहरूले ३० वर्षे सेवा अवधि पूरा गरेपछि अनिवार्य अवकाशमा गएका हुन्। यी दुई डीआईजीहरूसँगै ११ जना प्रहरी उपरीक्षक (एसपी) हरू पनि अवकाशमा गएका छन्। अवकाशमा जाने एसपीहरूमा पूर्णबहादुर साउद, धनबहादुर सिंह, भीमबहादुर चौधरी, महेन्द्रराज भारती, दिपेन्द्र गिरी, अम्मरबहादुर ऐर, अशोककुमार शाक्य, प्रेमबहादुर रावल, गोपालप्रसाद श्रेष्ठ, त्रिभुवन बिष्ट, र उद्धवबहादुर रावल रहेका छन्।
महेन्द्रराज भारती र भीमबहादुर चौधरीलाई अवकाशमा जानुअघि एक तह बढुवा गरिएको थियो। साथै, दुई जना प्रहरी नायब उपरीक्षक (डीएसपी) राजेश्वरप्रसाद शाह र हरिबहादुर शाही पनि अवकाशमा गएका छन्। शाहीलाई अवकाश अघि विशेष बढुवा प्रदान गरिएको थियो। सशस्त्र प्रहरी बलमा ३० वर्षे सेवा पूरा गरेर अवकाशमा जान लाग्दा एउटै दर्जामा ५ वर्ष अवधि पूरा गरेको भए विशेष बढुवा दिने प्रावधान रहेको छ।
