नेपालगञ्ज भाद्र ४ गते।
बाँके जिल्लामा पछिल्ला केही महिनाहरूमा शान्ति सुरक्षाको स्थिति बिग्रँदै गएको छ। दिनदहाडै हुने खुकुरी प्रहारका घटनाहरूले जिल्लाबासीलाई असुरक्षित महशुस गराएको छ। बाँकेका सर्वसाधारणले शान्ति, सुरक्षा कायम गर्न प्रहरी असफल भएको भन्दै चिन्ता व्यक्त गरेका छन्। यस अवस्थामा प्रहरीको कार्यक्षमतामाथि प्रश्नहरू उठेका छन् र जिल्लाबासीहरूले आफ्नो सुरक्षाका लागि प्रहरीप्रति विश्वास गुमाएका छन्।
पछिल्लो समय बाँकेमा भएका केही ठूला घटनाहरूले जिल्लाको सुरक्षा अवस्था अत्यन्तै कमजोर रहेको देखाएको छ। उदाहरणका लागि, जानकी गाउँपालिकामा वडा नम्बर ३ इन्द्रपुरटोलमा एक घरमा सुतिरहेका एक व्यक्तिमाथि धारिलो हतियार प्रयोग गरी आक्रमण गरिएको थियो, जसमा ती व्यक्तिको मृत्यु भएको थियो। यस घटनाको छानबिन पूरा नहुँदै नेपालगन्ज -२१ मा अरबी खाँको विभत्स हत्या भयो। घटनामा संलग्नलाई पक्राउ गर्न नसकेकोमा प्रहरीले जिल्लाबासीको विश्वास गुमाएको छ।
नेपालगन्ज–११ त्रिभुवन चोक नजिकै ३८ वर्षीय इरसाद राईको हत्या भएको एक महिना बितिसकेको छ, तर प्रहरीले अहिलेसम्म हत्यारा पत्ता लगाउन सकेको छैन। असार २८ गते राति इरसाद राईमाथि धारिलो हतियार प्रयोग गरी हत्या गरिएको थियो। यो घटनाले नेपालगन्जका बासिन्दा मात्र होइन, सिङ्गो देशलाई पनि स्तब्ध बनाएको छ। हत्या जस्तो गम्भीर अपराधमा पनि प्रहरीको निष्क्रियता र कमजोर अनुसन्धान प्रणालीले कानुन कार्यान्वयनको सवालमा गम्भीर प्रश्न उठाएको छ। जनताले सुरक्षाको प्रत्याभूति पाउनुपर्नेमा, यस्ता घटनाले सुरक्षा निकायप्रति भरोसा घटाइरहेको छ।
प्रहरीले यी घटनाहरूको छानबिनमा असफल भएको भन्दै आलोचना भइरहेको छ। यस्ता घटनाहरूको अनुसन्धान गर्न सिआइबीको टोली नेपालगन्ज आए पनि हालसम्म कुनै ठोस परिणाम नआएको भन्दै सर्वसाधारणले असन्तुष्टि व्यक्त गरेका छन्। घटनाका दोषीहरू पक्राउ गर्न नसकेपछि प्रहरीले शान्ति सुरक्षा कायम गर्न असफल भएको आरोप लागेको छ।
सर्वसाधारणको सुरक्षाको जिम्मा लिएका प्रहरी अधिकारीहरूले अनुशंधान प्रकिर्यामा रहेको जवाफहरू दिन थालेका छन्। अरबी खाँको हत्या भएको पाँच महिना पुग्नै लाग्दा समेत प्रहरीले हत्यारा पक्राउ गर्न नसकेको आरोप छ। प्रहरी कार्यालयमा पटक-पटक बोलाएर अनुसन्धान भइरहेको आश्वासन दिने तर वास्तविकतामा कुनै प्रगति नगरेको भन्दै पीडित परिवारले गुनासो गरेका छन्। प्रहरीले सुरक्षाको प्रत्याभूति दिन नसक्नु जिल्लाबासीको लागि चिन्ताको विषय बनेको छ।
अरबी खाँका परिवारजनहरूले हत्याराको पत्ता लगाउन नसक्दा पीडामा परेका छन्। प्रहरी कार्यालयमा दिनदिनै बोलाएर अस्वासन दिनुको सट्टा हत्यारालाई पत्ता लगाएर कारबाही गर्नुपर्ने उनीहरूको माग छ। खाँकी आमाले भनिन्, “प्रहरीको भनाईले हाम्रो चित्त बुझ्ने कुरा हुँदैन। प्रहरीले हत्यारालाई पक्राउ गर्यो भने मात्र हाम्रो मनमा शान्ति मिल्नेछ।”
यी घटनाहरूले प्रहरीको कार्यक्षमतामाथि गम्भीर प्रश्न खडा गरेको छ। सुरक्षा दिन नसक्ने प्रहरीप्रति जनतामा असन्तोष छ। बाँके जिल्लाको शान्ति सुरक्षा बिग्रँदै जाँदा सर्वसाधारणले प्रहरीप्रति विश्वास गुमाउन थालेका छन्। जिल्ला प्रहरी कार्यालयका अधिकारीहरूले आफ्नो जिम्मेवारी निभाउन असफल भएकोमा सर्वसाधारणले आक्रोश व्यक्त गरेका छन्।
बाँके प्रहरीले सुरक्षाको प्रत्याभूति दिन नसक्नुको कारण पनि स्पष्ट छैन। खुकुरी प्रहार र हत्याका घटनाहरूमा संलग्नलाई पक्राउ गर्न नसक्नुले प्रहरीको कार्यक्षमतामा प्रश्नचिह्न खडा गरेको छ। घटनाका दोषीहरूलाई कारबाहीको दायरामा ल्याउने मामलामा प्रहरीले ढिलासुस्ती गर्दा सर्वसाधारणले आफूलाई असुरक्षित महशुस गरेका छन्।
सुरक्षाको स्थिति बिग्रँदै जाँदा बाँकेका सर्वसाधारणले प्रहरीप्रति विश्वास गुमाउँदै गएका छन्। शान्ति, सुरक्षा कायम गर्न असफल भएकोमा प्रहरीले आफ्नो जिम्मेवारीप्रति गम्भीर भएर सोच्नुपर्ने आवश्यकता देखिएको छ। यस्ता घटनाहरूको समाधान गर्न र दोषीलाई कारबाहीको दायरामा ल्याउन प्रहरीको तदारुकता आवश्यक छ।
बाँके जिल्लामा भएका घटनाहरूले जनतामा प्रहरीप्रति अविश्वास पैदा भएको छ। सुरक्षा दिने जिम्मेवारी लिएका प्रहरी अधिकारीहरूले आफ्नो कर्तव्य निभाउन असफल भएकोमा सर्वसाधारणले आक्रोश व्यक्त गरेका छन्। सुरक्षाको प्रत्याभूति दिन नसक्ने प्रहरीप्रति जनतामा असन्तोष छ। बाँके जिल्लाको शान्ति सुरक्षा बिग्रँदै जाँदा सर्वसाधारणले प्रहरीप्रति विश्वास गुमाएका छन्।
