मंसूर अली इद्रिशी
जानकी फागुन २६ गते-चौथो वडा स्तरीय क्रीकेट प्रतियोगितामा बढैया स्पोर्ट क्लबले उपाधी हात पारेको छ । ७६ रनको लक्ष्य पाएको बढैया स्पोर्ट क्लबले ७ ओभर ५ बलमा ३ विकेट गुमाएर भेटायो। फाइनलमा पुगेको जोगागाउँ स्पोर्ट क्लबले निर्धारित १० ओभरमा अलआउट हुँदै ७५ रन बनाएको थियो ।
यहि २६ गते जानकी गाउँपालिका वडा नम्बर १ को बढैया खेल मैदानमा भएको क्रीकेट प्रतियोगितामा ४ टिमको सहभागिता रहेको थियो । ४ खेलमा प्रथम बढैया स्पोर्ट क्लब, दोस्रो जोगागाउँ स्पोर्ट क्लब,खेलमा म्यान अफ द् म्याच सुनील कान्दू भएका थिए । चौथो वडा स्तरीय क्रीकेट प्रतियोगिता जानकी गाउँपालिका वडा नम्बर १ भित्रका ४ वटा टिम सहभागी थिए ।
आयोजकले प्रथम पुरस्कार शिल मेडल,प्रमाणपत्रको साथै नगद र दोस्रो पुरस्कार पनि शिल मेडल , प्रमाणपत्र र नगदको ब्यबस्थापन गरेको थियो। खेलकुद विकासको विस्तार, तथा खेलाडी दुबैको पहिचानको विकास गर्ने उद्देश्यका साथ एकता शिक्षा समाज कल्याण संस्था पचपोखराको आयोजना र जानकी गाउँपालिका वडा नम्बर १ वडा कार्यालयको सहकार्य तथा जानकी गाउँपालिका बाँकेको समुन्वयमा वडा स्तरीय क्रिकेट प्रतियोगिता गरिएको संस्थाका अध्यक्ष शकील राईले जानकारी दिनुभयो ।
चौथो वडा स्तरीय क्रीकेट प्रतियोगिता कार्यक्रममा जानकी वडा न १ का अध्यक्ष मोहम्मद रजा राई ,वडा सदस्य सिवपुरी माविका पूर्व प्रधानाध्यापक द्रोण थापा पचपोखरा मदर्षा प्रधानाध्यापक रसीद राई समाज सेबी सुरेश थापा उमेश मिश्रा साईंगाउँ प्रहरी चौकी इन्चार्ज अमर रावत लगाएतको उपस्थिति रहेको थियो ।
