जनकपुरधाम फागुन ४ गते।
सशस्त्र प्रहरी बल मुख्यालयले केही दिन अघि मात्रै एसपीहरूको सरूवा गरेको छ । यो सरूवामा धनुषा स्थित ८ नम्बर गणका एसपी पनि परिवर्तन भएका छन् । एसपी दिनेश मल्ल सरूवा भएर दर्शन गिरीको पोष्टिङ भएको छ ।
पुरानो एसपी जाने र नयाँ एसपी आउने तयारी भैरहदा भने गणबाट परिचालित घुमुवा सिपाही सुरेन्द्र कुशवाहाले मदिरा पक्राउ गरेर छोडेका छन् । फुलगांवाको क्षेत्रबाट उनले मोटरसाइकल सहितको मदिरा पक्राउ गरेका थिए ।
तर उनले लगत्तै आर्थिक लेनदेनमा छोडिदिएका छन् । हाम्रो समाचार स्रोतका अनुसार उनले २० हजार लिएर मोटरसाइकल सहितको मदिरा छोडेको आरोप लागेको छ । यस सम्बन्धि जानकारी गण र बाहिनीमा समेत पुगेको जानकारी भएको छ।
गणबाट अहिले सिपाहीहरू सुरेन्द्र कुशवाहा र सन्जित राम घुमुवाको रूपमा परिचालन गरिएका छन् ।सशस्त्र प्रहरीमा गोप्य सूचना संकलनका नाममा घुमुवा राख्न नपाइने नियम तोडेर एसपीले आफू निकटका तस्करहरुसँग रकम उठाउन सक्ने व्यक्तिलाई घुमुवाको रुपमा परिचालन गरेका छन् ।
