नेपालगंज पुष १ गते ।
मोटरसाइकल चोरीको आरोपमा संलग्न रहेकोमा प्रहरीले नेपालगंज वडा प्रहरी कार्यालय नजिकैबाट एक जनालाई पक्राउ गरेको छ । पक्राउ पर्नेमा नेपालगंज उपमहानगरपालिका वडा नम्बर ५ का १९ वर्षीय अर्सद हलवाई रहेका जिल्ला प्रहरी कार्यालय बाँकेले जनाएको छ ।
प्रहरीले उनलाई नेपालगंज उपमहानगरपालिका वडा नम्बर ४ मयुरी होटल नजिकबाट मोटरसाइकल चोरी गरेको आरोपमा पक्राउ गरेको हो । हलवाईले जानकी गाउँपालिका वडा नम्बर १ जोगगाउँ स्थित रहेका रहिस टेन्ट हाऊसमा काम गर्ने लेबरको मोटरसाइकल रहेको रहिस टेन्ट हाऊसमा कार्यरत अजादले लिमरा खबरलाई जनाएको छ ।
हलवाईले मोटरसाइलक चोरी गरी आफ्नो घरमा राखेको अवस्थामा टेन्ट हाऊसमा कार्यरत अजादले प्रहरीको सहयोगमा मोटरसाइकल चोरी गर्ने हलवाईलाई नेपालगंज उपमहानगरपालिका वडा नम्बर ५ वडा प्रहरी कार्यालय नजिकै उनको घरबाट मोटरसाइकल सहित उनलाई बाँके प्रहरीले नियन्त्रणमा लिएको थियो। हलवाई माथी थप अनुसन्धान भइरहेको बाँके प्रहरीले जनाएको छ ।
