बाँके मंसिर २७ गते।
नेपालगंजबाट अवैध रुपमा भन्सार छली लैजान लागेको सुनजस्तो देखिने पहेलो धातु सहित एक जना भारतीय नागरिकलाई प्रहरीले पक्राउ गरेको छ । जिल्ला प्रहरी कार्यालय बाँके बाट खटिएको प्रहरी टोलीले चारबहिनी साँझा चौकमा up.40.au ४१९९ नम्बरको सुपर मोटर साइकललाई चेक जाँच गर्ने क्रममा सोनीलाई उक्त गरगहना सहित पक्राउ गरेको हो ।
करिब ७० ग्रामसहित भारत बाबागंज घर भएका ४० वर्षीय संजय कुमार सोनीलाई प्रहरीले पक्राउ गरेको थियो । सोनीलाई संका लागी चेक जाँच गर्ने क्रममा उनको साथ बाट २ थान मिनीहार मसिनो सिक्री १ थान नथिया ठुलो सानो १० थान लाकेट १ थान कानमा लगाउने झाला ४ थान औंठी १ थान लगाएत अवैध समान सहित उनलाई पक्राउ गरेको हो।
उक्त समानको अन्दाजी मूल्य ६ लाख ७८ हजार १ सय ५८ रुपैया रहेको छ । बरामद सुनसहित उनलाई भंसार कार्यालय नेपालगंज बुझाइएको जिल्ला प्रहरी कार्यालयले जनाएको छ ।
