नेपालगन्ज मंसिर ११ गते ।
हिजो राति भएको दुर्घटना लाई लिएर चालकलाई कारबाही र उचित क्षतिपुर्ति माग गर्दै नेपालगन्जको धम्बोझी चोकमा मृतकका परिवार तथा आफन्तले सडक अवरुद्ध गरेका छन्। नेपालगन्ज उपमहानगरपालिका वडा नम्बर १ धम्बोझी चोकमा बेलुकी ६ बजेतिर नेपालगन्ज वडा नम्बर १७ थुकैला निवासी दिलिपकुमार पाठकले चलाएको भे ११ प ७६५७ नम्बरको मोटरसाईकललाई ना ३ ख ८८५२ नम्बरको ट्यांकरले ठक्कर दिएको थियो ।
ठक्करबाट मोटरसाईकलमा सवार बालिकाको घटनास्थलमै मृत्यु भएको थियो । ठक्करबाट सालिनीका बुवा पाठक घाइते भएका छन् । उनको अहिले पनि उपचार भइरहेको छ । हिजो राति भएको दुर्घटना लाई लिएर धमबोझि चोक तनावग्रस्त बनेको छ ।
चालकलाई कारबाही र पीडित परिवारलाई उचित क्षतिपुर्ति माग गर्दै उनीहरुले एक घण्टादेखी धम्बोझी चोकमा टायर बालेर सडक अवरुद्ध गरेको जिल्ला प्रहरी कार्यालय बाँकेले जनाएको छ ।
