मंसुर अली इद्रिशी
बाँके कार्तिक २० गते-नेपालगंज उप-महानगरपालिका वडा नम्बर १० भृकुटीनगरबाट ९ जना जुवाडेलाई प्रहरीले पक्राउ गरेको छ। प्रहरीले गोप्य सूचनाको आधारमा वडा प्रहरी कार्यालय नेपालगंज प्रमुख प्रहरी निरीक्षक हरि बहादुर बिसिको कमांडमा गएको टोलिले ९ जना जुवाडे सहित ६४ हजार ९ सय रुपैया नगद बरामद गरिएको प्रहरीले जनाएको छ ।
नेपालगन्ज उपमहानगरपालिका–१० भृकुटीनगरस्थित निर्मल थापाको घरमा जुवा खेली रहेको अवस्थामा उनिहरुलाई पक्राउ गर्न सफल भएको वडा प्रहरी कार्यालय नेपालगञ्जका प्रमुख प्रहरी निरीक्षक हरि बहादुर बिसिले जानकारी दिए ।
प्रहरीले निर्मल थापा, गणेश मल्ल र जेबि सोनी, जिवानन्द अधिकारी वादल योगी, बिशल जोशी, सागर गिरि, आकाश ठकुरी सागर रावत रहेको प्रहरीले जनाएको छ । उनिहरुलाई जुवा ऐन अन्तर्गत मुद्दा दर्ता गर्ने जिल्ला प्रहरी कार्यालय बाँकेका सुचना अचिकारी डिएसपी नारायण डाँगीले जनाएका छन् ।
