मंसूर अली इद्रिशी
बाँके कार्तिक १३ गते-नेपालगंज उपमहानगरपालिकाले केवल नेटवर्क तथा इन्टरनेट प्रदायक संघसंस्थाहरुले नेटवर्क विस्तारका लागि तानिएका तारहरु अव्यवस्थित भएको पाइएपछि त्यसलाई व्यवस्थित गर्न सुरु गरेको छ । केवल नेटवर्क तथा इन्टरनेट प्रदायक संघसंस्थाहरुले नेपाल विद्युत प्राविधिकरणलाई निश्चित शुल्क तिरेर विद्युतकै पोलमार्फत् लाइन विस्तार गरेका छन् ।
विद्युत प्राधिरकणकै मापदण्ड विपरीत अस्तव्यस्त तानिएका यस्ता तारहरुले बजारको सौन्दर्य क्रुप बनेको र दुर्घटनाको जोखिम समेत बढेको पाइएपछि नेपालगंज उपमहानगरका उप-प्रमुख कमरुद्दीन राईले सेवा प्रदायक संघसंस्थाकै सहमतिमा आजदेखि त्यसलाई व्यवस्थित गराउने काम नेपालगंज वडा नम्बर २० को रांझा चौकबाट सुरु गरेको उप-प्रमुख राईले जानकारी दिए ।
विद्युतका पोलबाट तानिएका यस्ता तारहरु कतै लत्रिएको, कतै पोलमा अस्वभनीय गुच्छा परेको देखियो यसले बजारको सौन्दर्यलाई पनि क्रुप बनाएको महसुस भयो नगर प्रहरी प्रमुख सूर्य बोगटीले भने तलसम्म झुण्डिएका तारका कारण दुर्घटनाको जोखिम समेत देखेपछि त्यस्लाई व्यवस्थित बनाउन सुरु गरिएको हो। त्यसलाई व्यवस्थित गर्नका लागि सम्बन्धित केवल नेटवर्क तथा इन्टरनेट प्रदायक संघसंस्थाका प्राविधिकसहित नगर प्रहरीको टोली परिचालन गरिएको हो।
नेपालगंज उपमहानगरपालिका वडा नम्बर २० राँझा चौकबाट यो अभियान सुरु गरिएको जानकारी दिँदै बोगटीले व्यवस्थित बजारको सौन्दर्यका लागि आफुहरुले प्रयास जारी राखेको बताउनुभयो । यो अभियानका क्रममा पोलमा झुण्डिएका प्रयोगविहीन पुराना तारहरु सबै हटाइने छ ।
यस्तै विद्युत प्राधिकरणको मापदण्ड अनुसार तारहरु विस्तार गर्न पाउने छन् । त्यसो गर्दा तारहरु लत्रिने, गाडीहरु क्रस गर्दा चुडिने जोखिम टर्ने छ । हालको अवस्थामा सेवाप्रदायक संघसंस्थाहरुले तारको ठूलठूला गुच्छा पोलमा गुजुल्टो पारेर छाड्ने गरेका छन् । आजदेखि त्यसलाई व्यवस्थित गर्नका लागी उप-प्रमुख राईले सेवाप्रदायक संघसंस्थाहरुलाई एक हप्ता को समय दिएको जानकारी उप प्रमुखका सल्लाहकार अरबिन्द शर्माले लिमरा खबरलाई बताए।
अव उनीहरुले त्यस्लाई सानो बनाएर व्यवस्थित तरिकालेमात्रै राख्नु पर्नेछ । यस्तै कुन नेटवर्कको तार हो त्यसको पहिचानका लागि डिवी वक्स भएको पोलमा संस्थाको पहिचान समेत उल्लेख गर्नु पर्नेछ । यस्तै सेवा प्रदायक संघसंस्थाहरुले विस्तार गरेको तार नलत्रियोस् भन्नका लागि बीचबीचमा ब्यान्डिङ समेत गर्नु पर्ने उप-प्रमुख राईले निर्देशन दिनु भएको छ ।
