मंसुर अली इद्रिशी
बाँके कार्तिक ९ गते-जानकी गाउँपालिका वडा नम्बर १ स्थित बढैया बिओपिका सशस्त्र प्रहरीले चार क्विन्टल भारतीय बोइलर कुखुरा बरामद गरी नष्ट गरेको छ । नष्ट गरिएको बोइलर कुखुराहरु सशस्त्र प्रहरी निरीक्षक टिका राम गोसई नेतृत्वको मोवाइल गस्ती टोलीले बिहिवार बिहान ३ बजे जानकी गाउँपालिका वडा नम्बर १ स्थित बढैया बिओपि एक नम्बर पोस्ट बाट बरामद गरेको हो ।
आर टी आर मे१०प ३४७७ र हीरो यूपी ३४ ए भी २३८९ नम्बरको दुई वटा मोटरसाइकलमा लोड गरी ल्याउँदै गरेको अवस्थामा सप्रनि गोसई नेतृत्वको मोवाइल गस्ती टोलीलाई देखेपछि चालकहरु भने फरार भएको बढैया बिओपिका प्रमुख सशस्त्र प्रहरी निरीक्षक टिका राम गोसईले जानकारी दिए ।
बरामद गरिएका बोइलर कुखुराहरुको अनुमानित बजार मूल्य एक लाख ४ हजार रुपैयाँ रहेको बताइएको छ । उक्त बोइलर कुखुराहरुलाई साईंगाउँ प्रहरी चौकीका प्रहरी हवल्दार नरेश थारू पत्रकार मंसूर अली इद्रिशी,जानकी-१ का वडा अध्यक्ष मोहम्मद रजा राई स्थानीयबासी बुद्धिजीबी लागाएतको उपस्थितिमा जानकी गाउँपालिका वडा नम्बर १ स्थित बढैया बिओपिका बेस परिसरमा नष्ट गरिएको हो ।
बरामद गरेको बोइलर कुखुरा र दुई वटा मोटर साइकलको अंदाजी मूल्य ४ लाख ५८ हजार रहेको छ । यता नियन्त्रणमा लिइएको दुवै मोटरसाइकललाई सम्बन्धित निकाय नेपालगंज भंसार कार्यालयमा पठाईएको सशस्त्र प्रहरी निरीक्षक टिका राम गोसईले लिमरा खबरलाई बताइएको छ ।
