बाँके भाद्र २५ गते ।
लागूऔषध नियन्त्रण ब्यूरो नेपालगञ्जबाट खटिएको प्रहरी टोलीले जमुनाहनाकाबाट लागूऔषधसहित एक युवकलाई पक्राउ गरेको छ । पक्राउ पर्नेमा घोराही उपमहानगरपालिका ५ दाङका २५ बर्षीय सन्जय नेपाली रहेका छन् । नेपाली भारतीय बजार रूपडियाबाट नेपालगञ्ज आउदै गर्दा जमुनाह चेकपोस्टमा लागूऔष खैरो हेरोईन ५० ग्राम सहित पक्राउ गरिएको लागूऔषध नियन्त्रण ब्यूरो नेपालगञ्जले जनाएको छ ।
ब्यूरोका अनुसार सोमबार दिउँसो तीन बजे भारतीय बजार रूपडिहाबाट नेपालगञ्ज आउँदै गर्दा जमुनाह चेकपोस्टमा शंका लागि खानतलासी गर्दा नेपालीले बाँया खुट्टाको जुत्ताभित्र लुकाई राखेको ५० ग्राम खैरो हेरोईन फेला पारेको जनाएको छ ।
नेपालीलाई आवश्यक कार्वाहीका लागि ईलाका प्रहरी कार्यालय जमुनाह मार्फत जिल्ला प्रहरी कार्यालय बुझाएको ब्यूरोले जनाएको छ । पक्राउ परेका नेपालीलाई जिल्ला प्रहरी कार्यालय बाँकेको नियन्त्रणमा राखी थप अनुसन्धान गरिरहेको प्रहरीको भनाइ छ ।
