मंसुर अली इद्रिशी
जानकी भदौ २ गते-खजुरा गाउँपालिका वडा नम्बर १ चन्द्रनगर नजिकैबाट ४ कार्टुन अवैध कुखुराको चल्ला बरामद गरेको छ। सशस्त्र प्रहरी बल बढैया बिओपीबाट खटिएको मोबाईल टोलीले खजुरा गाउँपालिका १ नम्बर वडा चन्द्रनगरबाट बेवारिसे अवस्थामा ४ कार्टुन कुखुराको चल्ला सशस्त्र प्रहरीले नियन्त्रणमा लिएको हो ।
भारतबाट अवैध रुपले नेपालतर्फ ल्याउँदै गरेको अवस्थामा सशस्त्र प्रहरी बल बढैया बिओपीबाट सशस्त्र प्रहरी निरीक्षक हरी बहादुर शाहीको कमाण्डमा खटिएको मोबाईल टोलीले उल्लेखित चल्ला बरामद गरेको हो । शनिवार बिहान ४-४५ बजे सशस्त्र प्रहरीले करिब २४ हजार बराबरको ४ कार्टुन ब्रोइलर कुखुराको चल्ला बरामद गरेको छ ।
सशस्त्र प्रहरी बल बढैया बिओपीले बरामद चल्ला स्थानीय भद्रभलादमी र स्थानीय जनपर्तिनिधि साईगाउँ प्रहरी चौकी इंचार्ज फत्ते शिंह चौधरी सामजिक अगुवा पत्रकार लगाएतको रोहबरमा खाल्डो खनी ४ कार्टुन कुखुराको चल्ला नष्ट गरिएको सशस्त्र प्रहरी बल बढैया बिओपीका इंचार्ज सशस्त्र प्रहरी निरीक्षक हरी बहादुर शाहीले लिमरा खबरलाई जनाएको छ ।
