दाङ जेठ २७ गते ।
लुम्बिनी प्रदेश स्तरीय सेभेन्स रग्वी प्रतियोगिताको महिला पुरुष दुवै तर्फको उपाधि बर्दियाले जितेको छ ।दाङको बिजौरी रगंशालामा शनिबार भएको लिग खेलमा लगातार जित निकाल्दै दुवै उपाधि बर्दियाले जितेको हो ।
लुम्बिनी प्रदेश रग्वी संघको आयोजनामा भएको प्रतियोगितामा महिला र पुरुष समान ४ गरी ८ समूहले भाग लिएका थिए ।महिला र पुरुष दुवै टिमले सर्वाधिक १२/१२ अंकका साथमा शीर्ष स्थानमा रहदै प्रतियोगितामा जित निकालेका हुन् ।
प्रतियोगितामा प्रथम टिमले नगद रु ५० हजार सहित कप तथा मेडल र प्रमाणपत्र हात पारे । सेभेन्स रग्वी प्रतियोगितामा बाँके जिल्लाको महिला र पुरुष टिम दोस्रो (उपविजेता) बन्न सफल भए । बर्दिया जिल्ला भन्दा ४/४ अंकले पछाडि रहेको उक्त टिमले समान ८/८ अंक प्राप्त गरी उपविजेता बन्न सफल भए । त्यस्तै दाङको महिला र पुरुष टिम भने तृतीय भएका छन् ।
