मंसूर अली इद्रिशी
बाँके जेठ २३ गते-नेपालगंज २० राँझामा रहेको आदर्श माविका शिक्षक रवीन्द्र रेग्मी जलेको अवस्थामा जंगलमा फेला परेका छन् । सोमवार दिउसो २:३० बजेतिर घरबाट निस्किएका रेग्मीको मंगलवार बिहान पूर्वपश्चिम राजमार्गको ढकेरी क्षेत्रमा शब फेला परेको हो ।
घरबाट मिटिङ्ममा जानू छ भनेर भे.६.प. ८२२४ नं. को मोटरसाइकलमा निस्किएका ४२ वर्षीय रेग्मी ढकेरी जङ्गल क्षेत्रमा मृत अवस्थामा फेला परेका हुन । उनले चलाएर गएको मोटरसाईकल पुर्वपश्चिम राजमार्गको छेउमा रहेको थियो । जङ्गलमा घाँस काट्ने क्रममा महिलाहरुले रेग्मीको शब देखेपछि प्रहरीलाई खबर गरेका थिए । सोमवार राती करिब १०:३० बजे देखि उनको मोवाईल स्वीच अफ भएपछि खोजीकार्य सुरु गरेको उनको परिवार स्रोतले जनाएको छ ।
बाँके जिल्लाका प्रहरी प्रमुख सन्तोषसिंह राठौर भन्छन् हामी घटनास्थलमै छौं शब फेला परेको छ, घटनाबारे गम्भीर अनुसन्धान शुरु गरेका छौं । प्रहरीले घटनास्थल अनुसन्धानका लागि कुकुर समेत परिचालन गरेको प्रहरीले जनाएको छ ।
