मंसूर अली इद्रिशी
बाँके,जेठ,१८,गते-नेपालगन्जमा गर्मी बढेपछि विद्यालय बन्द हुन थालेका छन् । उपमहानगरपालिकाले आफ्नो क्षेत्रका विद्यालय बन्द गर्न निर्देशन दिएका हुन्।
उपमहानगरपालिकाका शिक्षा, युवा तथा खेलकुद महाशाखाका अधिकृत लोकेन्द्रबहादुर शाहीले सामुदायिक, मदरसा र संस्थागत बिद्यालयलाई आगामी समयमा हुने बर्खे विदाबाट कट्टा हुने गरी यही जेठ २१ गते आइतबारदेखी २३ गते मंगलबारसम्म बन्द गरिएको बताए।
अत्यधिक गर्मी भई पठन पाठनमा कठिनाई भएकोले यस प्रतिकुल मौसमलाई मध्यनजर गरी यस उपमहानगरपालिका अन्तरगत सञ्चालित सम्पूर्ण सामुदायिक (मदरसा समेत) तथा संस्थागत बिद्यालयमा आगामी समयमा हुने बर्खे विदाबाट कट्टा हुने गरी विदा गर्न शाहीले जानकारी गराए ।
