काठमाडौं,जेठ,१५,गते।
आयुषसिंह ठकुरी नेपाली टिकटकर माझ लोकप्रिय छन् । उनी जस्तै लोकप्रिय छिन् पाकिस्तानकी अलिजेह जमाली । हाल दुबईमा बस्दै आएकी टिकटकर जमाली र नेपालका ठकुरी प्राय लाइभमा भेट्टिरहन्छन् उनीहरु दैनिक २ लाख भन्दा धेरै दर्शकसँग लाइभ मार्फत जोडिन्छन्। यो दर्शक संख्या नेपालका लागि अत्याधिक मानिन्छ।
आयुष र जमालीको लाइभ सम्बादले दुई राष्ट्रको धर्म र सांस्कृति सम्बन्धलाई बलियो बनाएको उनीहरुको तर्क छ। यी दुई टिकटकर हाल प्रत्यक्ष रुपमा भेटिएका छन्। हाल दुबईमा बस्दै आएकी अलिजेह आयुषको निमन्त्रणामा आइतबार नेपाल आइपुगेकी छन् । अलिजेहलाई नेपालमा स्वागतमा गर्न आयुष सुरक्षा गार्डसहित एयरपोर्ट पुगेका थिए ।
आइतबार साझ दुवैजना एकसाथ लाइभमा जोडिएका थिए । यसक्रममा उनीहरुलाई हेर्नेको संख्या २ लाख माथी पुगेको थियो । टिकटक लाइभमा यो संख्या अत्यधिक हो । अलिजेहले नेपाल बसाईका क्रममा म्यूजिक भिडिओमा अभिनय गर्ने आयुषले लाइभमार्फत बताएका छन् ।
