रौतहट,वैशाख,२५,गते।
चन्द्रनिगाहपुरस्थित इलाका प्रहरी कार्यालयले चोरीको तीनथान मोटरसाइकलसहित तीनजनालाई सार्वजनिक गरेको छ । रौतहटका विभिन्न ठाउँबाट चोरी भएका तीनथान मोटरसाइकल बरामद गरी प्रहरीले चोरीमा संलग्न तीन आरोपीलाई सार्वजनिक गरेको हो ।
इलाका प्रहरी कार्यालय चन्द्रनिगाहपुरले खोजतलास गरी बरामद गरेको मधेश प्रदेश ०२–००५ प ९४२५ नम्बरको यामाहा कम्पनीको मोटरसाइकल, ना.४६ प ६२४७ नम्वरको हिरो कम्पनीको सुपर स्पेलेन्डर मोटरसाइकल र बा.६९ प ९३६१ नम्वरको बजाज कम्पनीको २०० सिसीको मोटरसाइकल चोरीको आरोपी पनि सार्वजनिक गरेको हो ।
सर्लाहीका १९ वर्षीय श्याम महतो, नजरे नदाफ र सप्तरीका २० वर्षीय सिद्धार्थ महतोलाई पनि प्रहरीले मोटरसाइकल चोरी आरोपमा सार्वजनिक गरेको छ । इलाकाका डिएसपी एकनाराण कोइरालाले मोटरसाइकलसहित पक्राउ परेका तीनैजनालाई जिल्ला अदालतबाट चोरी सम्बन्धी कसुरमा म्याद थप गराइ अनुसन्धान जारी रहेको बताए ।
