मंसूर अलि इद्रिशि,
नेपालगंज,माघ,२५,गते-बाँके प्रहरीले लागू औषध धुलो पदार्थ सहित तीन जनालाई पक्राउ गरेको छ। नेपालगन्ज उपमहानगरपालिका वडा नम्बर १ वाटरपार्कस्थित ब्राउन सुगर जस्तो देखिने ५० ग्राम धुलो पदार्थ सहित तीन जनालाई प्रहरीले पक्राउ गरेको हो ।
लागू औषधको कारोवार भैरहेको भन्ने गोप्य सूचनाको आधारमा जिल्ला प्रहरी कार्यालय बाँके र लागू औषध ब्युरो नेपालगन्जबाट खटिएको संयुक्त प्रहरी टोलिले चेकजाँच गर्ने क्रममा रुकुम पश्चिम सानो भेरी नगरपालिका वडा नम्बर १० बस्ने २८ वर्षिय तिलक डाँगीले लगाएको ज्याकेटको खल्तिमा लागू औषध ब्राउन सुगर जस्तो देखिने ५० ग्राम धुलो पदार्थसहित पक्राउ गरिएको छ।
पक्राउ पर्नेमा डाँगीका साथमा रहेका ३५ बर्षिय बिनोद कुमार गौतम ३३ बर्षिय सोनिराम केसी रहेका छन। पक्राउ परेका तिनै जनामाथि थप अनुसन्धान भइरहेको छ। जिल्ला प्रहरी कार्यालय बाँकेले जनाएको छ ।
