मंसूर अलि इद्रिशि
नेपालगंज,माघ,१६,गते-नेपालगंज उपमहानगर पालिका वडा नम्बर १४,ले ज्येष्ठ नागरिकलाई न्यानो कम्बल वितरण गरिएको छ। बांकेको नेपालगंज उपमहानगर पालिका वडा नम्बर १४, भवानियापुर ले ६० जना जेष्ठ नागरिकलाई कम्मल वितरण गरेको हो । नेपालगंज-वडा नम्बर १४ का वडा अध्यक्ष मजहर अली साईले लिमरा खबरलाई जानकारी दिए।
नेपालगंज उपमहानगर पालिका वडा नम्बर १४ ले आयोजना गरेको ज्येष्ठ नागरिकको सम्मान कार्यक्रममा न्यानो कम्बल वितरण गरिएका गरिब, विपन्न तथा ज्येष्ठ नागरिकलाई राहत पुगेको वडा अध्यक्ष मजहर अली साईले बताए। वडाका अतिविपन्न, एकल महिला र अशक्त व्यक्ति भएका घरपरिवार छनोट गरी उनीहरूलाई कम्बल वितरण गरिएको हो।
कम्बल वितरण कार्यक्रम अन्तर्गत नेपालगंज वडा नम्बर १४ बाट ६० थानको सहयोग थियो। अगामी दिनमा थप वडाबाट बजेट विनियोजन गरि छुटेका ज्येष्ठ नागरिकलाई वितरण गरिने वडा अध्यक्ष साईले बताउनुभयो।
चिसो समयमा न्यानो कम्मल पाउदा जेष्ठ नागरिकहरु खुसी भएका छन् । ज्येष्ठ नागरिकको सम्मान कार्यक्रममा वडाका जनपर्तिनिधि वडा सचिव वडाका कर्मचारी स्थानिये लगाएतको उपस्थिति रहेको थियो।
