नेपालगंज- पुस २९ गते ।
नेपालगंज उपमहानगरपालिका वडा नम्बर १७ परसपुरका भुसैली अहिर को घरमा आगलागी भएको छ । नेपालगंज वडा नम्बर १७ परसपुरमा भुसैली अहिर को भैसी बाध्ने गोठको घरमा गएराति आगलागी भएको हो ।
आगलागीबाट घरमा रहेका पुरानो काठसहित घरको सामान जलेर करिब ४ लाख मूल्य बराबरको क्षति भएको साईगाउ प्रहरी चौकीले जानकारी दिनुभयो । नेपालगंज उपमहानगरपालिका वडा नम्बर १७ परसपुरका का भुसैली अहिरको खप्परको गोठ मा शुक्रबार राति करिब १ बजे आगलागी भएको थियो ।
नेपालगंज उपमहानगरपालिकाबाट आएको वारुणयन्त्र, प्रहरी र स्थानीयको सहयोगमा शुक्रबार बिहान ३ बजेतिर मात्र आगो नियन्त्रणमा आएको थियो । आगो तापेर शुत्ने बेलामा आगलागी भएको हुन सक्ने अनुमान गरिएको छ । भैसी बाध्ने गोठमा आगो लागेको हो घटनाबारे अनुसन्धान भइरहेको साईगाउ प्रहरी चौकी इंचार्ज सुजन खड़काले जनाएको छ ।
