नेपालगंज-पुष २८ गते-बांके नरैनापुर गाँउपालिका वडा नम्बर ६ नयाँ बस्तीबाट सालको काठसहित तिनजनालाई प्रहरीले पक्राउ गरेको हो । बिहिबार नरैनापुर गाँउपालिका–६ को नयाँ बस्ती बस्ने माईला डक्टर भन्ने बिद्या प्रसाद राढको भुस राख्ने गोठबाट सालको काठसहित संलग्न तिन जनालाई ईलाका प्रहरी कार्यालय भगवानपुर, नरैनापुर सब डिभिजन वन कार्यालयको संयुक्त टोलीले पक्राउ गरेको छ ।
नरैनापुर गाँउपालिका वडा नम्बर ६ नयाँ बस्तीमा गोप्य सुचनाको अधारमा ईलाका प्रहरी कार्यालय, भगवानपुरका प्र.नि.विर बहादुर सुनारको कमाण्डमा खटिएको प्रहरीले चोरी छिपाइ राखेको सालको कडी ३३ थान १७.१५ क्युफिट अंदाजी मुल्य पचासी हजार बराबरको काठ बरामद गरेको ईलाका प्रहरी कार्यालय, भगवानपुरले जनाएको छ ।
सालको काठसहित पक्राउ पर्नेमा भारत श्रावस्ती जिल्ला मल्लिपुर थाना बस्ने नन्के सिंह,. बलराम सिंह, चन्दन सिंह लाई प्रहरीले नियन्त्रणमा लिई काठ सहित डिभिजन बन कार्यालय बाँकेलाई बुझाएको ईलाका प्रहरी कार्यालय, भगवानपुरका इंचार्ज विर बहादुर सुनारले जानकारी दिए ।
