बांके- पुष १७ गते-नेपालगञ्जको गणेशपुरमा एक समुहले खुकुरी प्रहार गर्दा ३ जना घाइते भएका छन् । उक्त समुहले खुँडा र खुकुरी प्रहार गर्दा नेपालगञ्ज उपमहानगरपालिका वडा नम्बर १२ निवासी अनुराग शाह, सोही ठाउँ बस्ने उज्वल शाह र वडा नम्बर ४ का सुगम शाह घाइते भएका छ्न ।
नेपालगञ्ज वडा न.४ गणेशपुर स्थित आफन्तको घरमा पुगेका बेला उक्त समुहले आइतबार दिउँसो १ बजेतिर आक्रमण गरेको प्रत्यक्षदर्शीले बताए । घाइते तीनै जनाको नेपालगन्ज मेडिकल कलेज शिक्षण अस्पताल नेपालगन्जमा उपचार भईरहेको छ ।
आक्रमण गर्ने समुहको खोजी कार्य तिब्रपारेको जिल्ला प्रहरी कार्यालय बाँकेले जनाएको छ । आक्रमण गर्ने क्रममा उनीहरू ६ जनाको संख्यामा आएको र भारतीय नम्बर प्लेटको गाडी छाडेर भागेको प्रहरीले जनाएको छ ।
