नेपालगंज-मंसिर २५ गते
नेपालगञ्ज जमुनाहबाट खैरो हिरोइनसहित सहित एक जना पक्राउ परेका छन् ।
ईलाका प्रहरी कार्यालय जमुनाह अनुसार नेपाल भारत सिमावर्ती जमुनाहा नाका हुँदै नेपालगंज आउँदै गरेका नेपालगन्ज उपमहानगरपालिका–१७ नदैगाउँका बस्ने २५ वर्षीय पप्पु रैदासलाई खैरो हिरोइनसहित पक्राउ गरिएको प्रहरीले जनाएको छ।
भारतको रुपईदिहाबाट नेपालगंज आउँदै गरेका रैदासको शंकास्पद गतिविधि देखिएपछि जमुनाह प्रहरीले चेकजाँच गरेको थियो । त्यसक्रममा ट्राउजरको खल्तीमा कालो प्लाष्टिकमा बेरेर राखेको अवस्थामा प्रतिबन्धित लागु औषध खैरो हिरोइन बरामद भएको प्रहरीले बताए ।
