इटहरी-मंसिर १४ गते
सुनसरीमा एमाले र कांग्रेसका कार्यकर्ताबीच झडप भएको छ। सुनसरीको क्षेत्र नम्बर ३ मा नेकपा एमालेकी उम्मेद्वार भगवती चौधरीको जितसँगै विजय जुलुसमा निस्किएका कार्यकर्ता र नेपाली कांग्रेसका कार्यकर्ताबीच झडप भएको हो।
एमालेबाट विजयी भएका प्रतिनीधि सभा सदस्य भगवती चाैधरी प्रदेश सभा सदस्य रोहितबहादुर कार्कीसहित निकालिएको विजय र्यालीमाथि आक्रमण भएको प्रहरी नायब उपरिक्षक खगेन्द्र खड्काले बताए । ढुंगा प्रहारबाट लालमोहम्वद रैन, कुर्वान मियाँ, तवरेज आलम घाइते भएका छन्। उनीहरुको स्थानीय अस्पतालमा उपचार भइरहेको छ ।
दुवै समूहले एक अर्काको प्रतिकार गर्न थालेपछि स्थिति नियन्त्रणमा लिन कठिन भएको छ । जिल्ला प्रहरी कार्यालय सुनसरीका प्रहरी नायब उपरिक्षक खगेन्द्र खड्काले बताए अहिले ठूलो संख्यामा प्रहरी परिचालन गरिएको बताए।सुनसरी क्षेत्र नम्बर ३ मा एमालेकी भगवती चौधरीले कांग्रेस नेता विजय गच्छदारलाई पारजित गरेकी थिइन् । गच्छदार ४८ सालदेखि निरन्तर सो क्षेत्रबाट विजयी हुँदै आएका थिए ।
