बांके-कार्तिक २३ गते
जनता समाजवादी पार्टी नेपालबाट बाँके क्षेत्र नं २ का प्रतिनिधिसभा उम्मेदवार मोहम्मद इश्तियाक राईले क्षेत्र नम्बर.२ का विकासका लागि आफ्ना ‘दश दृष्टि ’ऐजेण्डा सार्वजनिक गरेका छन्। यी दृष्टिबारे राईले बुधबार नेपालगन्जमा पत्रकारहरूसँग साक्षात्कार पनि गरेका थिए। बाँके क्षेत्र नं २ को समग्र विकास र नागरिकको समृद्धिका लागि उनले विभिन्न दश ऐजेण्डा २ नम्बर क्षेत्रमा बिकास गर्ने सामाजिक र अरू विकासका योजनाहरू समेटेका छन्।
विभिन्न दश बुँदामा समेटिएका उनको क्षेत्रगत विकासका दृष्टिहरूमा यहाँको स्वास्थ्य, शिक्षा, भौतिक निर्माण, युवा, खेलकुद, सामाजिक सुरक्षा, महिलालगायतका विषयहरू समेटिएका छन्। पत्रकारहरूसँगको साक्षात्कारमा उनले आफूले यो क्षेत्रको विकासका लागि निरन्तर काम गरिरहेको र अझ उन्नत विकासका लागि थप योजनाहरू ल्याएको बताए। ‘हामीले काम गर्नसक्छौं, गरिरहेका पनि छौं’ उनले भने ‘काम गरिरहेको र गर्नसक्ने व्यक्तिलाई भोट दिनुस् भनेका छौं।’
मतदातालाई रिझाउनका लागि आफूहरूले कुनै पनि झुटा योजना र सपनाहरू नबाँडेको पनि उनले बताए। ‘बरू हाम्रा विरूद्ध विपक्षी मित्रहरूले अफवाहरू फैलाइरहनुभएको छ। उहाँहरूले हामीलाई एकोहोरो भ्रष्टाचार गरेको भनेर भ्रमहरू फिँजाइरहनुभएको छ। कसले काम गरेको छ र कसले भ्रष्टाचार गरेको छ भन्ने कुरामा त जनता प्रस्टै छन्। मैले कहिँकतै भ्रष्टाचार गरेको छु भने त्यसको प्रमाण दिनुस् म सजया भोग्न तयार छु भनेर त मैले भनिरहेकै छु।’निर्वाचन आयोगले २४ घण्टे स्पष्टीकरण सोधिएको कुरा हल्ला मात्र रहेको उहाँले बताउनुभयो । मलाई निर्वाचन आयोगले कुनै स्पष्टीकरण सोधेको छैन त्यसैले राज्यको चौथो अंग भनिएको संचारकर्मीहरुले सत्य तथ्य का आधारमा समाचार सम्प्रेसण गर्न आग्रह गर्दछु उहाँले भन्नुभयो ।
शिलान्यास मन्त्री भनेर उपनाम दिनेहरुलाई बाँकेको समृद्ध बिकास गरेर बाँकेलाई नमुना बनाएर देखाउने हिम्मत रहेको प्रतिनिधीसभा सदस्य उम्मेद्वार राईले बताउनुभयो बिकास को चुरन कस्ले दियेको छ र बिकास कस्ले गरेको हो खुल्ला बहस गरेर प्रमाणित गरौ उहाँले चुनौती पनि दिनुभयो ।
