नेपालगंज-कार्तिक २ गते
जनता समाजवादी पार्टी [जसपा] बाँकेले क्षेत्र नम्बर २ मा आफ्नो चुनावी प्रचारप्रसारका क्रममा घरदैलो कार्यक्रम सुरु गरेको छ। आज विहान नेपालगञ्जका भित्री टोलहरूबाट घरदैलो कार्यक्रम सुरु भएको हो । जसपाका नेता तथा प्रतिनिधिसभाका लागि निर्वाचन क्षेत्र नम्बर २ का उम्मेदवार मोहम्मद इश्तियाक राई आफ्नो चुनावी प्रचार अभियानमा खटिएका नेता तथा कार्यकर्ताहरूसँग घरदैलो गरिरहेका छन्।
त्यसक्रममा उम्मेदवार राईले घरघरमा मतदाताहरूलाई भेटेर आफूले गरेको कामको मूल्याङ्कनका आधारमा भोट दिन आग्रह गरेका थिए । घरदैलोका क्रममा स्थानीयले उम्मेदवार राईलाई स्वागत गर्दै जीतको शुभकामना पनि दिएका थिए । निर्वाचन क्षेत्रका सबै वडाहरू तथा अरू पनि विभिन्न स्थानमा प्रचारप्रसारका लागि कार्यालयहरू खोलेपछि जसपाले घरदैलो कार्यक्रम सुरू गरेको हो ।
घरदैलो कार्यक्रममा प्रदेशसभा २ का उम्मेदवार आदेशकुमार अग्रवाल समानुपतिक उम्मेदवार मनिश रेग्मी लगायत जिल्लास्तरीय नेता तथा कार्यकर्ताहरू सहभागी थिए ।
