नेपालगन्ज-भदौ २७ गते
बांके नेपालगन्ज उपमहानगरपालिकाको प्रमुख प्रशासकीय अधिकृतको रूपमा शिवप्रसाद रिजाल आजदेखी पदभार सम्हाल्नुभएको छ । रिजाललाई नगरप्रमुख प्रशान्त बिष्ट, उपप्रमुख कमरुद्दिन राई लगायत अन्य जनप्रतिनिधि र कर्मचारीहरुले स्वागत गरे । प्रमुख प्रशासकीय अधिकृत रिक्त भएको डेढ महिनापछि रिजाल सरुवा भई आएका हुन् ।
रिजालसंग करिब १५ बर्ष स्थानीय तह र स्थानीय निकायमा लेखा प्रमुख, प्रमुख प्रशासकीय अधिकृत, स्थानीय विकाश अधिकारी, जिल्ला समन्वय समिति को अधिकारी को रूपमा काम गरेको अनुभव छ । पछिल्लो पटक उनी कास्कीको सहायक प्रमुख जिल्ला अधिकारीको रूपमा कार्यरत थिए । उनको स्थायी बसोबास पर्बत हो ।
