नेपालगन्ज –बाँकेमा शुक्रबार मध्यराति ५.३ रेक्टर स्केलकाे भुकम्पको धक्का महशुस भएको छ । बर्दियाकाे मधुवन नगरपालिका केन्द्रबिन्दु भई करीब १ बजेर २८ मिनेट जाँदा भुकम्पको धक्का महशुस भएको जनाइएको हो । भुकम्पको धक्का पश्चिम नेपालकाे बाँके, बर्दिया, दाङ् लगायतका जिल्लाहरुमा र भारत उत्तर प्रदेशको बहराईच, नानपारा, रूपईडीहा श्रावस्ती लखनउ लगायतका केही ठाउँहरूमा समेत महशुस भएको बताइएको छ । भुकम्पको धक्काले मस्तनिद्रामा सुतेका मानिसहरू डर त्रासले गर्दा उठेर घरबाहिर निस्किन बाध्य भएका थिए । मध्यरातिको समय भएकाले भुकम्पबारे थप विवरण आउँन अझै बाँकी छ ।
